1.
COÑECEMOS O CAMIÑO SEGURO
En primeiro lugar, co
grupo aula observamos o rueiro de Ordes, e sinalado o traxecto que iamos facer
camiñando, observamos a traxectoria e os sitios polos que tiñamos que pasar.
Algúns nenos/as manifestaban se vivían preto ou non dalgún dos sitios que
viamos, ou outros establecementos que había preto do camiño que estaba
debuxado. Deseguido, nun folio branco o alumnado intentou plasmar o mesmo
traxecto e os puntos de referencia que vimos no plano (a casa do Concello, unha rotonda, as piscinas…)
2.
XOGAMOS COAS SINAIS DE TRÁFICO
Con pequenos grupos, revisamos algunhas sinais de tráfico
que podíamos atopar pola rúa; unha vez recoñecidas, simulamos varios papeis
(coches, peóns, gardas…). O alumnado tiña que realizar un percorrido
respectando as sinais e facendo preguntas sobre que atopariamos despois de ver
algunha das sinais (por exemplo, que deberíamos atopar despois dunha sinal de
paso de peóns)
3.
ANALIZAMOS O CAMIÑO ESCOLAR
Tras ir á andaina polo
traxecto que previamente vimos no plano, votouse na aula cal era a nosa opinión
sobre o camiño escolar (moi seguro, nada seguro, ou mellorable). Xa que case
ninguén o considerou moi seguro, puxémonos de acordo naquelas cousas que vimos
ao longo do traxecto e que estaban deterioradas ou que habería que mellorar, e
anotámolo na pizarra
Ningún comentario:
Publicar un comentario